اشتقت أضمك وأتنفس حنانك ... واغفى على صدرك واناغي خلاياك
وارسم على وجه اشتياقي عشانك .. العمر يضحك كل كل ماكنت وياك
لي طار من بين الشفايف جنــــــــنانك .. كن الصدر والقلب شرفه وشباك
مثل الطفل تحرج بضحك زمـــــــــــــانك .. وتبعثر ألعابك بهالقلب وأشياك
واليمن تثنى فـــ الصــــــــدر خيزرانك .. أغص /وأشرق /وارتبك /واتمناك
ماعاد يطرب مسمعي غير دانــــــــك .. تذكر.. عروقي يوم ترقص لمغناك ؟؟!
أطلقت لخيول الأماني عنــــــــــــــانك .. واسابق اسراب لسوالف على شفاك
وشلون ينبت فـــ الضلوع أقحوانـــك ؟؟ .. ياريحة أشواق المحبين لبـــــــــــــــاك ..
عاشق فناجينه تبي زعفــــــــــــرانك .. وماصب قهوة لوعته غير يمنـــــــــــــاك ..
مشتاق أضمك واتنفس حنـــــــــانك .. واغفى على صدرك وتسهر خلايـــــــاك