ياللا رمضان ......... بطعم الدبــــــــــش !!!!!.....

ياللا رمضان ......... بطعم الدبــــــــــش !!!!!..... Untitled

حسبنا الله ونعم الوكيل

إنا لله و إنا إليه راجعون
بداية........ فى الدويقه و غيرها من العشوائيات مش من النهارده بس ولا من إمبارح دى من زماااااااااان .
دول ناس عايشين فى القاهرة محافظة الملايين - بنت المعز - و ياريت المعز ييجى و يشوف إللى بيحصل فى بنته عايشين فى بيوت - قصدى مع الإعتذار لأحبائى المنكوبين و إللى ساكنين فيها دى (عشش) - و الله ما تنفع خالص للإستخدام الآدمى . لكن أهم عايشين . و على الجانب الآخر لما تخرج من الدويقه إلى منشأة ناصر إلى مدينة نصر الوضع يختلف تماما تلاقى عربيات آخر موديل ماشيه و هاااااتك يا فلوس قصدى يا ملايين . اللهم لا حسد للناس إللى ربنا فاتح عليها لكن مش كده .

و إنهار الجبل ........
لما زرت الدويقه - قبل الحادث طبعا - قلت أنا مش عارف الناس دى عايشه إزاى . أتارى البشوات و الوزارات عماله تحصى فيهم بقالها عشرات السنيين قال إيه؟؟؟؟؟ هيسكنوهم فى مساكن آدميه؟؟؟!!! و آدى الكارثه وقعت و للمره التانيه . إمتى هيسكنوا ... بعد مماتوا !!!! . يبقى أكيد كان هيسكنوهم فى مقابر .
و لما إنهار الجبل بدأت التبرعات تهل ( بعد الهنا بسنه) ......
و بعد ما إنهار الجبل بدأت الجمعيات الخيريه و الوزرات تتحرك علشان يشوفوا الناس دى كانت عاوزه إيه من سنيـــــــــــــــــن طويله.

لو تعثرت دابه........
سيدى الرئيس ماذا ستفعل و ماذا ستقول لربك عندما يسألك عن هؤلاء الناس هتقوله ماكنتش أعرف عنهم حاجه . سيدنا عمر بن الخطاب كان يقول: ( لوتعثرت دااااابه........ أكمل حضرتك) . ولا مش مصريين دول !!!

الدنيا فانيه..........
الساده الوزراء و المسؤلين أصحاب المليارات و الملايين . أنتوا برضه مسؤلين .
عاوز أقولكم على إللى أنتوا عمالين تجمعوا فيه ... الدنيا فانيــــــه . و الآخره باقيه .

و أخيرا واجب العزاء.
الواحد مش عارف يقول إيه...؟؟؟ لكن العزاء لمن يستحقون العزاء أهلنا فى الدويقه المنكوبين و أهلهم .
و ربنا معاكم......