هذا المنتدى لطلبة وخريجى كلية التجارة عموما وجامعة المنصورة خصوصاوايضا جميع المحاسبين بجميع التخصصات
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 ح تقبل ح أحبك.. ح ترفض ح لبك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

ذكر
عدد الرسائل : 100
العمر : 30
تاريخ التسجيل : 01/09/2008

مُساهمةموضوع: ح تقبل ح أحبك.. ح ترفض ح لبك   الإثنين سبتمبر 15, 2008 4:58 pm

يا شعبي حبيبي يا روحي يا بيبي يا حاطك في جيبي يابن الحلال.. يا شعبي يا شاطر يا جابر خواطر يا ساكن مقابر وصابر وعال.. يا واكل سمومك يا بايع هدومك يا حامل همومك وشايل جبال.. يا شعبي اللي نايم وسارح وهايم وفي الفقر عايم وحاله ده حال..
أحبك محشش مفرفش مطنش ودايخ مدروخ وآخر انسطال.. أحبك مكبر دماغك مخدر ممشي أمورك كده باتكال.. وأحب اللي شايف وعارف وخايف وبالع لسانه وكاتم مقال.. وأحب اللي راضي وأحب اللي فاضي وأحب اللي عايز يربي العيال.. وأحب اللي يائس وأحب اللي بائس وأحب اللي محبط وشايف محال..
وأحبك تسافر وتبعد تهاجر وتبعت فلوسك دولار أو ريال.. وأحبك تطبل تهلل تهبل عشان ماتش كورة وفيلم ومقال.. وأحبك تأيد تعضد تمجد توافق تنافق وتلحس نعال.. لكن لو تفكر تخطط تقرر تشغلي مخك وتفتح جدال.. وتبدأ تشاكل وتعمل مشاكل وتنكش مسائل وتسأل سؤال..

وعايز تنور وعايز تطور وتعملي روحك مفرد رجال.. ساعتها ح أجيبك لا يمكن أسيبك وراح تبقي عبرة وتصبح مثال.. ح أبهدل جنابك وأذل اللي جابك وحيكون عذابك ده فوق الاحتمال.. وأمرمط سعادتك وأهزأ سيادتك وأخلي كرامتك في حالة هزال.. وتلبس قضية وتصبح رزية وباقي حياتك تعيش في انعزال.. ح تقبل ح أحبك ح ترفض ح ألبك ح تطلع ح تنزل ح أجيبلك جمااااال



للامانة منقول من المصرى اليوم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tegarasons.ahlamontada.net
 
ح تقبل ح أحبك.. ح ترفض ح لبك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابناء كلية التجارة جامعة المنصورة :: المنتدى العام :: قسم الرائ الحر-
انتقل الى: